FSPeCM-UNPAZ ABERTURA SEMINAR PROPOSTA NO MONOGRAFIA ANU 2024

FSPeCM-UNPAZ ABERTURA SEMINAR PROPOSTA NO MONOGRAFIA ANU 2024

Dili-Universidade da Paz (UNPAZ) Liuhusi Fakuldade Saúde Públika e Siénsia Medica, realiza Serimónia Abertura Seminar Proposta & Monografia ba dala XVIII Tinan Akadémiku 2024, ho tema "Prevenir Promover Proteger e Remediar",Iha Aula Multifunsaun FSPeCM (25/04).

Magnífiku Reitór UNPAZ, Dr. Adolmando Soares Amaral, Lic. Eco.,MM. hateten ezema obra sientifiku iha tinan ida ne’e maske tarde ituan, maibe ha’u fiar katak, buat ne’ebé ita hahu ikus nia bele hotu uluk, tanba ne’e parabens ba estudante ne’ebé ohin hahu ezame ona, ida ne’e bele motiva no fó inspirasaun ba sira seluk bele hahu ona ezame.

Iha fatin hanesan, Dekanu FSPCM, Sr. Cipriano do Rosario Pacheco, AMG, Lic, SP.,M.,Kes, hatutan ho prezensa magnífiku reitór iha abertura ezame ida ne’e, bele fó motiva no espiritu aprende ninian, tantu ba iha estudante sira nomós dosente sira, oinsa bele exerse funsaun sira ho di’ak.

Dekanu husu estudante sira tenki maneza tempu sira ho di’ak, tanba imi sei iha atividade seluk ba estajiu ninian, nomós halo komunikasaun ho dosente orientador sira, nune’e bele hetan binbing husi orientadór sira, tanba prosesu ida ne’e lahanesan ho apriende bai-bain, ezame ida ne’e atu fortifika abilidade no koñesimentu atu bele responsabiliza ba área sira ne’ebé mak ita bo’ot sira iha.

“Susesu ita bo’ot sira nian mós la ses husi kontribuisaun no xave importante ida husi dosente sira, ho ida ne’e susesu estudante sira nian, maka ita nia kontribuisaun no preformes, ho ida ne’e, husu ba dosente sira nafatin halo liña kordenasaun di’ak ho estudante sira, nune’e labele prezudika sira-nia estudu”,dehan Dekanu FSPCM.

Entretantu iha abertura ezame ne'e ba Departamentu, Administrasaun Jestaun e Polítika Saúde, Saúde Ambiental, Siénsia Nutrisaun, Siénsia Epidemologia, Saúde Reprodutiva, Biostatisikika e Sistema Informasaun ba Saúde, no Infermagem.

Partisipa iha serimónia abertura ezame ne’e, Magnífiku Reitór UNPAZ, Dr. Adolmando Soares Amaral, Lic. Eco.,MM. Dekanu FSPCM, Sr. Cipriano do Rosario Pacheco, AMG, Lic, SP.,M.,Kes, ho Estrutura fakuldade nian, dosente sira hotu, funsionariu inklui estudante sira.