DOSENTE FAKULDADE EKONOMIA HAMOSU TAN LIVRU HO TITLU KONSEP METODOLOGI PESKIJA
Dili, 14 Abríl 2025 - Universidade da Paz ninia Dosente husi fakuldade Ekonomia, Dr. Alexandre de Sousa Guteres, Lic. Eco.,MM, kria tan livru akademiku ho titlu, "konsep metodologi peskija" hodi sai referensia ou mata dalan ba peskijador akademiku sira iha Universidade no iha Timor laran tomak.
Livru ida ne'e kria no hakerek durante tinan ida nia laran liu husi peskija literature, Livru ida ne'e ho ninia kontiudu kapitlu iha 5 no konseptu kona ba termus hakerek kapitlu iha skripsi, teze no disertasaun.
Objektivu hakerek livru ida ne'e bele ajuda peskijador sira iha peskija kona ba kuantitativu, Livru ne'e mos hetan ona aprovasaun hosi ISSBN no liu ona prosesu editor, Tempu badak mos livru akademiku rua husi Dr. Alexandre de Sousa Guteres, Lic. Eco.,MM, sei lansa mos iha parte eksternal " Xanana Reading room"
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
