header-int

Profile Universidade

Posted husi : Administrator
Share

ISTORIA HAHU UNIVERSIDADE DA PAZ.

 

Universidade da Paz hanesan instituisaun Akademiku privadu ida iha Timor Leste ne’ebe estabelese husi grupo intelektual balun, foka liu ba area edukasaun iha nivel Ensino Superior nian iha Timor Leste. UNPAZ estabelese depois de iha problema entre strutura Senado Universidade Dili (UNDIL), Universidade Dili hanesan instituisaun ida ne’ebe mos  uluk estabelese husi grupo intelektual Timor oan sira balun inklui mos fundador Masimu Universidade da Paz ho nia ekipa sira.

Depois iha tinan 2002 grupo ne’ebe lidera husi fundador UNPAZ rasik Prof. Dr. Lucas da Costa, SE., MSi hamosu no estabelese Universidade da Paz. Estabelesementu Universidade da Paz hahu ho Fakuldade Economia, Fakuldade Direito, Fakuldade Siencia Sosial no Humana, Fakuldade Enjeñaria, Fakuldade Saude Publika, no Fakuldade Agricola. UNPAZ agora dadaun iha Programa Estudu 24.

 

Universidade da Paz agora dadak iha estudante ativu ho total 8857 no UNPAZ mos iha alumni liu ona rihun sanulu resin tolu (13500). Universidade da Paz lokaliza iha Av. Osindo I Manleuana, Dili, Timor Leste, no fatin ida ne’e hanesan Centru ba Kampus UNPAZ nian. UNPAZ mos iha ninia Kampus Sanak (Satelite) sira hanesan lokaliza iha Liquiça, Suai/Covalima no Ermera. Kampus Satellite Liquiça ne’e utiliza husi Fakuldade 2 mak hanesan Fakuldade Enjeñaria no Fakuldade Argicola. Iha future fakuldade rua ne’e sei Centreliza sira nia aktividade akademiku no non-akademiku iha Municipiu refere.

 

Universidade da Paz iha komitmentu ida atu harmoniza dezemvolvimentu kompetensia individu kada estudante sira ho materia espesifiku husi Programa Estudu atu nune graduadus sira iha futuru bele hetan/iha abilidade ne’ebe forti iha kampo de servisu. Kurikulu ne’ebe mak oferese tuir seguensias nesesidade merkadu global ou industria nasional no internasional (kurikulu bazea ba kompetensia/market driven curriculum) ba nivel licenciatura nian. Liu husi aproximasaun akademiku no profesional, graduadus Universidade da Paz espera bele iha papel ativu hanesan autor ekonomista, autor direitu/lei, sosial, tekniku enjenaria, autor ba saude publika no tekniku agricola liu husi informasaun ne’ebe mak aberta no kompetetiva. Liu husi orientasaun ba kareira ne’ebe mak profesional, estudante sira bele benefisia ho existensia industria manufaktura sira ne’ebe mak stratejiku no valor servisu sira iha agencia internasional sira/NGO internasional no etc, hanesan inisiu husi Estudu peskiza ida no dezemvolve ciensia no servisu didikasuan ba sosiadade. Aplikasuan ciensia no esperiensia servisu real nian husi estudante sira ne’ebe mak dezena husi programa esdudu sira hanesan atualizasaun husi valor no abilidade estudante sira, hanesan valor plus/aumenta no unika husi Universidade da Paz iha programa edukasaun ne’ebe mak oferese ba sosiadade ou parseiru servisu UNPAZ nian.

 

Visaun no Misaun Universidade da Paz

 

Atu sai hanesan Sentru Estudu Sientifiku no Aprendizajen, Peskiza, Kreativu, Inovativu, ho Karakter Empresarius Nivel Mundial no Kontribui Impaktu Bo’ot ba Nasaun.

Visaun Ida ne’e elimina versaun tuan husi estabelesementu UNPAZ iha tinan 2004 mak hanesan”atu kontribui ba dezemvolvimentu sosiadade ida ne’ebe mak modern, sivlizadu, justu no prosperu iha Timor Leste” bazea ba rekomendasaun husi ANAAA ninia panelista sira.

 

MISAUN

Atu realiza visaun hanesan temi ona iha leten, misaun ne’ebe mak dezemvolve husi Universidade da Paz mak atu:

  1. Fornese aprendizajen ba estudante sira no programa ba melõramentu nian hodi demonstra sira nia efetividade hanesan instituisaun edukasau sira.  
  2. Fornese oportunidade ensinu superior ba sosidade sira hotu hodi dezemvolve sira nia koñesementu no profesionalidade sira ne’ebe mak domina siensia no teknolojia, no sempre iha konsiensia ba transformasaun kultura iha sosidade nia laran.
  3. Fornese edukador ho kompremetidu/komitmentu, profesional iha area ne’ebe mak tuir valor fundamental instituisaun nian.
  4. Fornese konésementu, abilidade,  no materia sira ne’ebe mak persiza/nesesaria atu permiti individaul/pesoal no ekipa atu dezempeña sira nia potensial masimu.   
  5. Fornese estudante sira atu bele dirije hodi fo satisfas ba a’an rasik hanesan membru produtiva ida ba sosiadade ho emphesais ba kareira iha area economia hanesan kontabilidade, jestaun empreendedorismu, bankaria, saude, siensia politika no humanismu hanesan politika dezemvolvimentu, Estudu ba paz, relasaun internasional & administrasaun publika, enjeñaria mak liu husi kualker industria, siensia direito hanesan  iha direto penal, direito administrativa no diversifikasaun ba kualker produtu husi teknolojia agricola
  6. Mantein konsistensia hodi garantia kualidade kontolu no jestaun ba aprendizajen, peskiza, no servisu komunitaria hodi promove responsabilidade no autonomu aprende nian.
  7. Gia/orienta estudante sira atu haklean/profunda autoregulasaun ba a’an rasik bazea ba filisofia “SAPIENTIA ET HUMANISMUS” ne’ebe mak envolve vontade/laran diak, hakraik a’an no solidaridade.
  8. Garantia kualidade input/entrada, outcomes/resultadu no output/produtu sira hodi graduadu sira iha abilidade kompletu no atinji excelente liu husi kompetisuan akademiku sira, peskiza no servisu komunitariu  sira liu husi adaptasaun economia, saude, humanismu, enjeñaria, direito no diversifikasaun husi kualker produtu husi pratika terenu ba teknolojia agricola iha Timor Leste.
  9. Fasilita estudante sira ho fasilidade/equipamentus atu obtain sira nia kualidade ba abilidade no koñesementu atu sai profesional iha sira nia area de Estudu.   
  10. Hatoman a’an ho atitude ne’ebe hatudu konaba nain ba eskolãmentu ne’ebe halo ona ba benefisia ema hotu/seluk hanesan exemplar ida iha sosiadade.

 

OBJETIVU

  1. Aspira/mehi husi graduadus profesional ne’ebe mak servisu ho pratika diak iha Siensia Sosial no Humanismu, Direitu, Economia, Saude Publika, Enjeñaria no Agrikultura.
  2. Kontribui ba dezemvolvimentu ba koperasun internasional no mos aproxima ba pesoal/humanu sira, partikularmente iha area edukasaun no koñesementu siensia no teknolojia.
  3. Eduka/hanorin estudante sira atu dezemvolve sira nia abilidade akademiku liu husi pratika diak sira konaba Siensia Sosial no Humanismu, Direitu, Economia, Saude Publika, Enjeñaria no Agrikultura.
  4. Forma karater estudante sira atu integra ema hotu ho dimensaun oin-oin konaba agrikultura no floresta liu husi pratika excelente sira iha Siensia Sosial no Humanismu, Direitu, Economia, Saude Publika, Enjeñaria no Siensia Agrikultura.
  5. Produs lisensiadu ho pratika excelente sira iha siensia sosial no humanismu, direitu, economia, saude publika, enjeñaria no agrikultura ne’ebe mak bele kontribui hanoin no ideas ba dezemvolvimentu husi pratika diak iha Siensia Sosial no Humanismu, Direitu, Economia, Saude Publika, Enjeñaria no Siensia Agrikultura.
  6. Produs pesoal ne’ebe ho akademiku profesional ne’ebe mak iha abilidade aniliza ho kritika ba problema sira ho pratika excelente sira iha Siensia Sosial no Humanismu, Direitu, Economia, Saude Publika, Enjeñaria no Siensia Agrikultura.
  7. Fornese atendementu ho kualidade no diversifikasaun ba komunidade, kapasidade hodi kontribui signifikamente ba dezemvolvimentu sosial no ba kualifikasaun rekursu humanu sira.
  8. Realiza edukasaun husi primeiru, segundu, no terseiru siklu no dezemvolve edukasaun ho orientasaun ba area Siensia Sosial no Humanismu, Direitu, Economia, Saude Publika, Enjeñaria no Siensia agrikultura.

 

STRUTURA UNIVERSIDADE DA PAZ

 

 

 

 

 

 

 

 

 

 

 

 

 

 

 

 

Unidha Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL
© 2024 Universitas da Paz Follow Universitas da Paz : Facebook Twitter Linked Youtube