ESTUDANTE FAKULDADE ENJENARIA ENSERAMENTU ESTAJIU PROFESIONALIHA KAMPUS UNPAZ

ESTUDANTE FAKULDADE ENJENARIA ENSERAMENTU ESTAJIU PROFESIONALIHA KAMPUS UNPAZ

Dili, 24 Maiu 2025 - Universidade da Paz (UNPAZ) liuhusi Estudante Fakuldade Enjeñaria hamutuk na’in rua-nulu (20) finaliza ona estájiu professional durante fulan rua hamutuk ho kompaña JDJG ba projetu internal, iha kampus UNPAZ.

Vise Prezidente Konsellu Fundasaun Neon Metin, Arq, Hugu J.M.de Carvalho. Hato’o Agradesementu ba fakuldade enejñaria liuhusi Dekanu, ne’ebé fó fiar ba FNM, nune’e fundasaun entrega estudante sira ne'e ba iha kompaña JDJG, hodi estudante sira hala’o estájiu professional iha kampus UNPAZ, fundasaun neon metin ho universidade sei servisu hamutuk, ligadu ho projetu fiziku ne’ebé sei implementa oin nian.

“Pratika ne’ebé hala’o hanesan koñesimentu ida ligadu ho teoria ne’ebé hetan iha aula, tanba ne’e durante fulan rua, ha’u fiar imi iha koñesimentu naton ona lala’ok servisu pratika nian, UNPAZ atu ba oin presiza ita hotu nia hamutuk”,dehan Vise Prezidente FNM.

Iha fatin hanesan, Dekanu Fakuldade Enjeñaria, José Manuel Maniquin, AP.Lic.Eng.,M.Eng.Ph.D. hateten lori Fakuldade nia naran hato’o agradese ba Fundasaun Neon Metin, ne’ebé simu estudante sira, hodi hala’o estájiu professional ba projetu internal iha UNPAZ.

“Dekanu Apresia tebes ba Fundasaun Neon Metin bele apoiu estudante no parseiru sira ba iha obra rua ne’ebé iha UNPAZ, nune'e mós agradese ba parseiru sira nomós Fundaun Nein Metin, ne’ebé durante fulan akompaña estudante sira nia atividade pratika , atu sai referensia ba estudante sira-nia prosesu tuir mai.

Reprezenta Estudante Estájiadu, Zaqueu Henrique hato’o agradese ba Fundassun Neon Metin ho kompaña JDJG liuhusi koperasaun fakuldade hamutuk ho FNM no kompaña, ami bele hala’o atividade pratika fisiku durante fulan rua nia laran iha Unpaz.

“Durante ami pratika la’os ami hetan de’it maka koñesimentu no esperiensia tekniku nian, maibe ami hetan mós valor disiplina no responsabilidade profesionalizmu ne’ebé fó valor bo’ot ba ami estudante nia viajen iha futuru”,katak Zaqueu.

Entertantu iha serimónia enseramentu estájiu professional ne’e, entrega mós sertikadu apresiasaun husi Fundasaun Neon Metin ba estudante sira.

Partisipa iha atividade refere, Vise Prezidente Konsellu FNM, Arq, Hugu J.M.de Carvalho. Ho estrutura FNM. Dekanu Fakuldade Enjeñaria, Sr. José Manuel Maniquin, AP.Lic.Eng.,M.Eng.Ph.D. ho estrutura fakuldade nian. ekipa husi kompaña JDJG, inklui estudante estájiadu/a sira.