ESTUDANTE UNPAZ SAI PRIMEIRU LUGAR KOMPETISAUN JOGU BASKETBALL CUP IHA COLEGIO SAO MIGUEL ARCANJO

ESTUDANTE UNPAZ SAI PRIMEIRU LUGAR KOMPETISAUN JOGU BASKETBALL CUP IHA COLEGIO SÃO MIGUEL ARCANJO

Dili-Universidade da Pa(UNPAZ) nia estudante sira ne’ebé partisipa iha kompetisaun Jogu Basketball ne’ebé organiza husi Eskola Colegio São Miguel Arcanjo, estudante UNPAZ sai primeiru lugar ba iha kompetisaun Basketball feto no mane, (01/10)

Magnifiku Reitór Universidade da Paz, Dr. Adolmando Soares Amaral, Lic.Eco.,MM. agradese tebes ba jogadór sira ne’ebé investe ona tempu no enerjia hodi ba partisipa atividades ida ne’e, no rezultadu husi atividade ida ne’e, lori mai ita familia bo’ot Universidade da Paz, tanba hetan primeru lugar ba atividade ida ne’e.

“Kondisaun ne’ebé ita iha, sedauk bele lori ita ba to’o iha ne’eba, maibe ho ita bo’ot sira nia esforsu ho kondisaun ne’ebé ita menus hodi bele atinji ita nia mehi, lori familia bo’ot Universidade da Paz, hakarak hato’o agradese no obrigadu ba ita bo’ot sira nia Kontribuisaun”,dehan Reitór.

Nia hatutan, UNPAZ atu la’o ba oin, la’os ema ida de’it, maibe tenki ita hotu, meus de kontribuisaun ne’e mak la hanesan talves balun liuhusi modalidade hanesan dadauk ne’e, balun liuhusi peskiza liuhusi hanorin liu husi hakerek livru, tanba ne’e ita hotu nia kontribuisaun ba UNPAZ, tanba UNPAZ ita hotu-hotu nian.

Iha parte seluk reprezenta manan na’in ba jogu refere, Gaudençio F. Pinto F. da Costa hatete, sente konteti, tanba bele lori ita nia Universidade ba kompete iha São Miguel CUP, tanba iha CUP ida ne’e, la’os Universidade da Paz de’it, maibe iha Eskola sekundriu sira seluk, hanesan são Miguel ne’e rasik São José Operario no Eskola sekundariu Seluk hodi Kompete, ba modalidade feto no mane ba basketball nian.

“Ami hotu sente kontente tanba sai hanesan primeiru lugar ba iha basketball nian ba feto no mane, espera ba oin ami kontribui nafatin iha atividade sira hodi Lori Nafatin Universidade nia naran ba oin”,dehan Gaudençio.