FAKULDADE DIREITU REALIZA SEMINARIU INTERNASIONAL KONA-BA LUTA SAHARA OSIDENTAL, PAPUA NO TL

FAKULDADE DIREITU REALIZA SEMINARIU INTERNASIONAL KONA-BA LUTA SAHARA OSIDENTAL, PAPUA NO TL

Dili, 08 Abril 2025 - Universidade da Paz (UNPAZ) Liuhusi Programa Doutoramentu Siénsia Direitu, organiza seminariu Internasional ho tema “Western Sahara West Papua and Timor-Leste A Polotical and Internasional Appraisal” ne’ebé fasilita husi Orador Dr. Aderito de Jesus Soares, SH.LLM.,Ph.D. iha Aula Prof. Dr. Lucas da Costa.

Orador Dr. Aderito de Jesus Soares, SH.LLM.,Ph.D. esplika UNPAZ Liu husi programa Doutoramentu Siénsia Direitu konvida ha’u mai atu sai orador ba Saraha osidental, Papua osidental inklui Timor-Leste Nia presfetiva ligadu ho asuntu tolu liuliu iha kontestu ida ne’e.

Timor-Leste konsege ukun an, maibe Saraha no Papua osidental seidauk ukun an, tamba ne’e akadémiku sira bele halo estudu hodi haree no analiza nomós bele ko'alia ligadu ho asuntu ne’e.

Dekanu FCSH, Dr. Fernando Dias Gusmão, A.Md.,S.IP.,M.AP. hateten seminariu ida ne’e importante tebes, ba Fakuldade Direitu ne’ebé bele organiza seminariu internasional, ne’ebé konvida doutor Aderito ne'ebé esperiensia servisu Iha nasaun barak, ohin bele husik tempu mai iha UNPAZ, hodi ko'alia kona-bá kestaun Sahara, Papua inklui Timor-Leste.

“Ita hotu hatene katak rai tolu ne’e nia luta ba independensia kuaze tempu naruk, maibe Timor-Leste konsege utrapasa funu oin-oin no Timor Leste bele sai nasaun independensia, maibe Sahara ho Papua seidauk, tamba nasaun barak mak iha intereee ba Nasaun rua ne'e ”,teknik,

Sorin seluk, Vise Reitór Asuntu Programa Mestradu no Doutoramentu, Dr. Martinus Nahak Lino, AMKL. Lic. SP.,M.AP.,M.SP. hato'o Ben-vindu ba Dr. Aderito ne’ebé hanesan Timor Oan, ne’ebé ita hotu hatene nu’udar primeiru asume kargu iha CAC no agora sai hanessn peskizador iha área justisa nian, maibe hanesan mós espesialista área polítika no ba iha área direitu, iha kontestu rejionál nomós internasional.

Iha Fatin hanesan, Dekanu Fakuldade Direitu, Dr. Leonito Ribeiro, SH.MH. reforsa seminariu ida ne’e parte ida husi tres prinsipiu ensinu superior nian, ligadu ho tema ne’ebé relevante tebes iha erra globalizasaun mundu hotu preokupa liuliu iha Afrika no Asia.

Entertantu iha seminariu internasional ne’e, abertura husi reprezenta Magnífiku Reitór UNPAZ, Dr. Fernando Dias Gusmão. no akompaña husi Vise Reitór Programa Mestardu no Doutoramentu, Vise Reitóra Konsellu Sientítfiku, Dekanu Fakuldade Direitu Dosentes sira Inklui Estudnate Ativu inklui Mestradu no Doutoramentu sira.