FAKULDADE DIREITU UNPAZ HO UNIVERSIDADE PANCASILA DESKUTE NOTA KOPERASAUN

FAKULDADE DIREITU UNPAZ HO UNIVERSIDADE PANCASILA DESKUTE NOTA KOPERASAUN

Dili,16 Maiu 2025 - Universidade da Paz (UNPAZ) liuhusi Estrutura Fakuldade Direitu hamutuk ho Estrutura Universidade, simu Bainaka Espesial husi Universitas Pancasila husi Indonesia, Sesta feira ne’e iha Aula Prof.Dr. Lucas da Costa.

Dekanu Fakuldade Direitu, Dr. Leonito Ribeiro, SH.,MH. hateten objetivu prezensa husi bainaka sira ne’e, oinsa deskute kona-ba nota Koperasaun entre Fakuldade Direitu UNPAZ ho Universidade Pancasila, liuliu iha área, prossesu Aprendizajen, peskiza, servisu komunitariu, seminariu Internasional nomós seluk tan ne’ebé sei servisu hamutuk iha futuru.

“Rezultadu husi diskuasaun entre Fakuldade Direitu ho Universidade Pancasila ne'e, oinsa implementa nota koperasaun, nune’e kesi parte rua ba futuru, iha área importante sira nomós UNPAZ nian ba diplomata no Direitu Internasional nian”,tenik dekanu.

Dekanu ne'e konta, ba oin Universidade Pancasila mós sei oferese bolsa estudu ba iha programa Doutoramentu nian ba UNPAZ liuliu ba fakuldade direitu, nune’e mós Universidade pancasila sei konvida dosente husi UNPAZ atu ba hanorin inklui fó seminariu internasional.

Entertantu iha diskuasaun husi parte rua fakuldade direitu UNPAZ ho Universidade Pancasila Indonesia ne'e, partisipa husi Vise reitór Asuntu Koperasaun Interna & Externa, Luis Pereira Cardoso, Dip..Cs.Lic.CSH.,MA.Mcs., Dekanu Fakuldade Direitu, Dr. Leonito Ribeiro, SH.,MH. ho Estrutura Fakuldade nian, Dekanu Fakuldade Universidade Pancasila, Prof.Eddy Pratomo, S.H.,M.A ho komitiva, inklui Estrutura fakuldade hitu ne’ebé eziste iha Universidade da Paz.