FAMILIA BO\'OT UNPAZ HALA\'O VIA-SAKRA HODI HAMETIN FIAR

FAMILIA BO'OT UNPAZ HALA'O VIA-SAKRA HODI HAMETIN FIAR

Dili-Universidsde da Paz (UNPAZ) Nia Magnífiku Reitór UNPAZ, Dr. Adolmando Soares Amaral, Lic. Eco.,MM. hamutuk ho Komitiva tomak Universidade nian, Estudante Sivitas Akadémiku sira hotu, hala'o Via-Sakra, ho objetivu atu hametin fiar Dosente, Funsionariu nomós Estudante sira, ida-idak hodi halo reflesaun ba semana santa Igreja Katólika nian, iha Kristu Rei (22/03).

Iha Via-Sakra ne'e, Magnífiku Reitór UNPAZ, Dr. Adolmando Soares Amaral, Lic. Eco.,MM. hato'o agradese ba Amu Kapelaun, Manuel Pinto ne'ebé prezide Via-Sakra ba iha familia bo'ot Universidade da Paz. hahú husi estasaun primeiru to'o mai remata, hodi halo reflesaun ba ita sira ne'ebé halo Perigrinasaun moris iha mundu rai klaran ida ne'e.

"Husi estasaun sira ne'e hotu, ita ida-idak hasa'e ita nia reflesaun, liu-liu ita hakarak hato'o ita nia devosaun ba maluk sira ne'ebé hala'o hela prátika atividade kampu iha Raeoa, liuhusi reflesaun sira ne'e, atu hametin nafatin iha hotu nia fiar, hodi reza ba sira atu hadok an husi risku sira, nune'e sira bele fila hamutuk mai iha Kampus sentrál ho isin di'ak",Dehan Reitór.

Líder masimu ne'e katak, Kolen ituan ne'ebé ita hotu halo iha loraik kmanek ida ne'e, la to'o Jesus nian iha tempu ne'ebá, hodi fó nia isin tomak hodi salva ita hotu, tanba ne'e mai ita halo reflesaun ba sala ne'ebé ita halo, hodi sai husi dalan ne'ebé sala, ba dalan los, hodi hametin nafatin ita nia fiar no kolóka nafatin Maromak iha sentru ba susesu UNPAZ nian iha futuru.

Iha fatin hanesan, Amu Kapelaun UNPAZ, Pé. Manuel Pinto, agradese ba Senadu Universidade nomós Sivitas Akadémiku sira hotu, ne'ebé partisipa iha programa Via-Sakra ida ne'e, tanba ne'e, obrigadu barak ba kolaborasaun no dedikasaun, hodi ita hamutuk hala'o Via-Sakra ne'e la'o hakmatek ho dame no orasau.

Entretantu iha Via-Sakra Semana Santa ne'e, Partisipa husi, Magnífiku Reitór UNPAZ, Dr. Adolmando Soares Amaral, Lic. Eco.,MM. ho nia Espoza, Vise Reitores sira, Dekanu Fakuldade 6 ho Vise Dekanu nomós Xefe Departamentu sira, Pro-Reitor sira, Diretor/a Unidade sira, Dosente, Funsionariu, Madre sira Inklui Estudante sira hotu.