KOORDENADOR PAK MUNISIPIU DILI HALO MONITORIZASAUN BA ATIVIDADES PAK IHA POSTU ADMINISTRATIVU METINA

KOORDENADOR PAK MUNISIPIU DILI HALO MONITORIZASAUN BA ATIVIDADES PAK IHA POSTU ADMINISTRATIVU METINARO

Dili, 2 Juñu 2025 - Universidade da Paz (UNPAZ), liuhusi koordenador PAK Munisipiu Dili, halo monitorizasaun ba atividades PAK iha Postu Adminitrativu Metinaro Munisipiu Dili.

Koordenador PAK Munisipiu Dili, aktual Dekanu Fakuldade Enjeñaria José Manuel Maniquin, AP., Lic.Eng., M.Arch., Ph.D. hateten, monitorizasaun ida ne’e ba etapa daruak nian ho objetivu atu hatene progressu inventarizasaun dadus ne'ebé kuaze fulan rua ona estudante sira halao iha suku tolu (3) Postu Administrativu Metinaro.

Iha atividades PAK tinan ida ne’e politika UNPAZ desloka estudante sira fila ba ida-idak ninia Munisipiu, Postu Administrativu, Suku no Aldeia hodi moris hamtuk ho povu, nune’e bele hatene problema sosiál ne’ebe povu infrenta durante ne’e atu nune’e Estudante sira produs sira nia relatoriu ne’ebe refleta dunia ba realidade moris povu nian iha aldeia no suku.

Dekanu Maniquin mos reforsa tan katak, Estudante sira sei iha tempu efetivu semana rua tan hodi kompleta sira nia dadus tanba iha semana datoluk husi fulan junho Estudante PAK sira sei hamutuk ho Dosente Orientador sira hodi elabora relatoriu antes halao seminariu nasional, tanba semináriu ne'e sei konvidade mós entidades relevante sira atu partisipa iha seminario refere sei realiza iha kampus Unpaz Dili.

Iha monitorizasaun refere marka prezensa mos reprezentante Autoridade Posto Administrativo Metinaro, Dosente Orientador PAK Munisipiu Metinaro Eng. Domingos Taequi, M.Tec. Agr. no Dosente Orientador Postu Dom Aleixo Dr. Lorenço Maululo no Estudante PAK sira ne'ebé kompostu husi Fakuldade neen.