KORDENADOR PAK MUNISIPIU DILI HALO MONITORIZASAUN BA AKTIVIDADE PAK IHA SUKU BAIRO-PITE

KORDENADOR PAK MUNISIPIU DILI HALO MONITORIZASAUN BA AKTIVIDADE PAK IHA SUKU BAIRO-PITE

Dili, 29 Maiu 2025 - Universidade da Paz (UNPAZ) husi Kordenador PAK Munisípiu Dili hamutuk ho ekipa, hala'o Monitorizasaun daruak ba atividade Pratika Aprendizajen Kampu (PAK) iha Suku Bairo-Pite, hodi haree progresu levantamentu dadus, ne’ebé durante estudante sira hala’o ligadu ho realidade ba komunidade hasoru.

Kordenador Jerál PAK Munisípiu Dili, atual Dekanu Fakuldade Enjeñaria, José Manuel Maniquin, AP.Lic.Eng.,M.Eng.Ph.D. hateten monitorizasaun ida ne’e ba duruak nian, oinsa atu hatene kona-ba progresu atividade levantamentu dadus ne’ebé durante estudante sira hala’o iha suku no aldeia sira, bazeia ba realidade komunidade sira hasoru.

“Ikus husi fulan Juñu atividade remata ona no sei dada fila imi ba iha kampus, nune’e imi bele prepara relatoriu, tanba universidade hatur ona iha kalendariu katak depois de atividade remata sei halo aprezentasaun, liuhusi seminariu iha kampus UNPAZ”,dehan Kordenador PAK Munisípiu Dili.

Kordenador dehan, dadus sira tenki elabora ho di’ak no produs relatoriu ho kualidade no reflete duni ho realidade moris Komuniadade nian iha Suku Bairo-Pite, nune’e bele aprezenta iha semináriu Nasionál tanba sei bolu mós Instituisaun sira ne’ebé ligadu ho relatoriu refere.

Kordenador ne'e Apresia ba Estudante sira, maske tempu ne'ebé ho limitasaun, levantamentu ho masimu, atividade PAK tinan akadémiku 2025 nian, tanba ne’e imi tenki koperasaun no servisu hamutuk atu bele atinji programa PAK ne'e ho susesu maske besik atu remata ona.

Sorin sorin seluk Kordenadora Grupu PAK Suku-Bairo-Pite, Olandina Babo Lopes, hateten durante atividade PAK iha Suku Bairo-Pite, atividade la’o ho di’ak tebes, tanba komunidade sira nakloke hodi fó dadus liga ho kondiasaun no situsaun ne’ebé durante komunidade sira enfrenta iha Suku Bairo-Pite.

“Atividade ne’ebé durante ami hala’o ba iha komunidade Aldeia hamutuk 26 laiha problema no difikuldade, tanba komunidade koperasaun di'ak tebes ho ami, maske iha balu mak preokupa ho servisu, maibe enfelizmente dadus ami rekolla ho di’ak”,katak kordenadora grupu PAK Suku Bairo-Pite.

Entertantu iha monitorizasaun ne’e, partisipa husi Kordenador Jeral PAK Munisípiu Dili, atual Dekanu Fakuldade Enjeñaria, José Manuel Maniquin, AP.Lic.Eng.,M.Eng.Ph.D. Dosente orientador, Raja Dominiku Martins Soares Amaral, Lic.tec.,M.Ars. ho Dr. Lourenço de Deus Maululo, Lic.Dir.,M.Dir. inklui estudante sira.