PROMOVE PAZ ARTE MORIS SEI PINTA PAREDE HO TEMA PAZ IHA UNPAZ

PROMOVE PAZ ARTE MORIS SEI PINTA PAREDE HO TEMA PAZ IHA UNPAZ

Dili, 03 Juñu 2025 - Universidade da Paz ohin reuniaun hamutuk ho HWPL no artezanatu

Arte Moris, atu oinsá servisu hamutuk hodi kria pintura parede ho tema ba “PAZ” tersa Feira ne'e iha Aula Prof. Dr. Lucas da Costa.

Dekanu FCSH, Dr. Fernando Dias Gusmão, A.Md.,S.IP.,M.AP. ne’ebé reprezenta Magnífiku Reitór hateten, ohin UNPAZ hamutuk ho HWPL, hanesan organizasaun ida ne’ebé promove paz iha mundu, tanba ne’e, HWPL hamutuk ho UNPAZ no Arte Moris, atu hala’o atividade pinta parede sira ne'e iha universidade da paz maske pinta Parede ne'e ho tinta maibé iha nia signifikadu hodi hamosu paz iha iha Unpaz, pinta Parede ne'e sei hahu iha fulan Jullu 2025.

Nia hatutan Arte Moris hala’o ona pintura ba parede sira iha Dili laran ho tema “Moris Hakmatek”PAZ iha Timor no Mundu Rai Klaran, tanba ne’e, Paz buat ida ne’ebé di’ak tebes, iha ita nia moris hakmatek no harmonia, kontente moris iha ita nia rai rasik.

“Ita nia rain hanesan nasaun ida ne’ebé uluk hasoru komflitu ne’ebé bo’ot no fó sofrementu ba ita nia povu, tanba ne’e mak ita mós hakarak ohin loron kontribui hodi harii paz iha ita nia nasaun Timor Leste no iha mundu rai klaran”,dehan dekanu FCSH.

Dekanu ne'e konta, programa ida ne’e HWPL, hala’o desde 2023, ne’ebé momentu ne’eba sira mai halo komferensia emprensa ida iha UNPAZ, ne’ebé hakarak involve ita nia lider sira liuliu instituisaun akadémiku, atu partisipa hodi promove paz.

Dekanu ne'e kontinua reforsa katak, UNPAZ partisipa ona iha konferensia paz mundial nian iha Korea do Sul, no agora ita hakarak instituisaun akadémiku sira, atu iha interasaun liu husi dosente no estudante sira, ho ida ne'e maka tenki introdus kestaun paz nian, hakribi violensia ne’ebé sempre lori vitima ba ita nia ema sira.

Iha Sorin seluk, Prezidente Asosiasaun Arte Moris, Iliwatu Danabere, hateten atividade atu pinta parede sira iha UNPAZ kona-ba PAZ nian, mais la’os husi parte Arte moris nia mesak maibe sei kolabora hamutuk ho pintor husi grupu sira seluk, tanba Inisiu fulan Jullu hahu pinta parede sira ne'e kona-ba Paz nia iha UNPAZ, programa ida ne’e relasaun ho Arte moris nia misaun tanba bele fó mensajen paz ba ita nia rai.

Reuniaun ida ne’e, partisipa, husi Estrutura Universidade da Paz, Estrutrura Fakuldade, Pro-Reitores sira, Xefe Unidade sira, no Ekipa husi HWPL ho Arte Moris.