UNPAZ HO FISIP UNDANA HALAO DISKUSAUN TRANSFERENSIA ESTUDANTE DOUTORAMENTU AP UNPAZ KONTINUA ESTUDU

UNPAZ HO FISIP UNDANA HALAO DISKUSAUN TRANSFERENSIA ESTUDANTE DOUTORAMENTU AP UNPAZ KONTINUA ESTUDU IHA UNDANA

Dili, 26 Maiu 2025 - Ekipa husi Universidade da Paz (UNPAZ) hala'o vizita ba Fakuldade Siensia Sosiais no Politika FISIPOL Universitas Nusa Cendana Kupang, hodi halo diskusaun kona-ba transferensia Estudante Doutoramentu Administrasaun Públika UNPAZ nian ba kontinua estudu iha UNDANA Kupang.

Iha vizita ne'e ekipa husi UNPAZ, simu ho di’ak husi Estrutura hanesan Dekanu FISIP Undana Dr. Wiliam Djani, M.Si, Vice Dekanu Dr. Rudy Rohi, M.Si, Koordenador Programa Doutoramentu Administrasaun Públika Dr. Laurensius Sayrani, MPA, nomós korpu Dosente Prof. Dr. Aloysius Liliweri, M.Si no seluk tan.

Rezultadu diskusaun husi parte rua ne'e iha komitmentu no pozitivu, ba estudante doutoramentu admistrasaun públiku, sira sei kontinua estudu iha fulan Jullu tinan ne’e.

Entertantu vizita husi Estrutura UNPAZ ne'e kompostu husi Vice Reitor Ass. Pos-Graduasaun Dr. Martinus Nahak, Xefe Programa Estudu Dr. Fernando Dias Gusmão, Pro. Reitor ADRH, Carmo A.P. Baptista, no membru estrutura ne’ebé akompaña iha viagem ida ne'e.

Aliende ne’e tuir ajenda ne'ebé maka iha katak loron 27 Maiu 2025, ekipa husi UNPAZ, sei partisipa iha ezame promosaun Doutoramentu nian, Dr. Albertino de Jesus, depois sei kontinua reuniaun ho Vice Reitor ASS. Akademiku UNDANA.