UNPAZ-ESTUDANTE HUSI FAKULDADE EKONOMIA HALO PRATIKA NEGOSIU

UNPAZ-ESTUDANTE HUSI FAKULDADE EKONOMIA HALO PRATIKA NEGOSIU

Dili-Universidade da Paz(UNPAZ) liuhusi estudante Fakuldade Ekonomia nia Departamentu Jestaun hala’o atividade pratika negosiu, relasiona ho teoria ne’ebé hetan husi dosente iha aula, no pratika diretamente terenu nune’e bele hetan lukru, iha Salaun Jose Kasimoru UNPAZ (10/10).

Estudante Marcos Roby Soares, husi Fakuldade Ekonomia Departamentu Jestaun, Semester IV, hateten, Materia ne’e relasaun ho Jestaun Marketing, tanba ne’e profesor sira haruka nia estudante sira, oinsa atu bele hala’o negosiu.

Nia hatutan, atividade negosiu ne’e hanorin ami, aban bain rua la hetan servisu ami mós bele harii rasik ami nia negosiu, tanba negosiu ne’e ita harii atu bele hetan lukru, ho materia ida ne’e dosenti sira haruka ami oinsa, atu bele pratika negosiu ne’e, la’os aprende de’it teoria, maibe ami mós halo aksaun hanesan ne’e, hodi apar mós ho teoria ne’ebé ami aprende ona.

“Ami senti di’ak tebes, tanba foin mak primeira ves ami hlo hanesan ne’e, realidade katak maske sasan ne’ebé mak ita hola ituan hodi ita fan, maibe nia rendimentu ne’e di’ak tebes, tanba ne’e atividade negosiu ne’e di’ak tebes karik ba futuru mak ha’u la hetan servisu ne’ebé mak di’ak ha’u bele loke rasik ha’u nia negosiu ida, hodi bele suporta saida mak ha’u nia hakarak”dehan Estudante Marcos.

Estudante ne’e salienta, osan ne’ebe mak ami halo negosiu, agora dadaun ne’e lori ami nia osan rasik, tanba materia ida ne’e ko’alia liu kona-ba jestaun marketin ninian, tanba ne’e ami mós iha inisiativu atu hala’o atividade negosiu ne’e, maibe ami koko halo duni ikus nia rezultadu hatudu katak, atividade negosiu ne’e di’ak duni mai ita.

Osan ne’ebé mak agora ami uza hodi hala’o atividade negosiu ne’e ami sei halo fali relatorio hodi nune’e ami ba hatama fali ba iha dosenti ida ne’ebé mak kaer materia kona-ba jestaun marketin ne’e, maske realidade ne’e osan ami nian, maibe ami koko hatama fila fali ba hodi sura katak negosiu ki’ik ne’e hetan nia funan hira, Nia Reforsa.